Нэг. Үндэслэл ба зорилго

Монголын соён гэгээрүүлэх түүх болон боловсролын салбарт шинэ хуудас нээсэн анхны сурагч, оюутнууд өрнөд Европ (Герман, Франц) улсыг зорин суралцахаар мордсоны 100 жилийн түүхт ой энэ онд тохиож байна.

Энэхүү түүхэн ойг угтан өсвөр үеийнхэнд эх орныхоо боловсролын түүхийг танин мэдүүлэх, улс төрийн хилс хэрэгт хэлмэгдэгсдийн дурсгалыг мөнхжүүлэх, тэдний амьдралын замналаас сургамж авч, түүхэн ухамсар, үнэт зүйлсийг төлөвшүүлэх зорилгоор “Герман, Франц улсад суралцсан анхны Монгол сурагчид: Түүх, хувь заяа (1926–1930)” сэдэвт сургалт хичээлийг зохион байгуулав.

Сургалтын үр дүн ба ач холбогдол

• Түүхийн мэдлэг тэлсэн: Сурагчид өнөөдрөөс 100 жилийн өмнө Монголын боловсролын салбарт ямар том шинэчлэл хийгдэж байсныг, мөн анхны европ боловсролтой сэхээтнүүдийн тухай системтэй мэдээлэлтэй болсон.

• Түүхэн ухамсар төлөвшсөн: Улс төрийн хилс хэрэгт хэлмэгдэгсдийн түүхийг сонссоноор өнгөрсөн үеийн алдаа, оноог цэгнэх, түүхэнд хүндэтгэлтэй хандах ухамсар суусан.

• Сурч боловсрох эрмэлзэл нэмэгдсэн: Өөрсдөөс нь холгүй насны хүүхдүүд алс газар сурахаар одож, эх орныхоо хөгжлийн түүчээ болохоор хэрхэн хичээж байсныг мэдсэнээр сурагчдад сурч мэдэх, өөрийгөө хөгжүүлэх ихээхэн сэдэл төрүүлсэн ач холбогдолтой ажил болсон. 

• Хугацаа: 2026 оны 5 дугаар сарын 20

  Хаана: Сүхбаатар аймгийн Халзан сумын Ерөнхий боловсролын сургууль

  Хамрах хүрээ: 6–9 дүгээр ангийн нийт 95 сурагч

  Сургалт, хичээлийг удирдсан: Түүх, нийгмийн ухааны багш Ц.Оюунсувд